རྫོགས་ཆེན་དྲ་བ།

IMG_7075.jpg

སྤྱི་ལོ་ 2017 སྟེ་བོད་རྒྱལ་ལོ་༢༡༤༤ རབ་གནས་མེ་མོ་བྱའི་ལོའི་གནམ་ལོ་གསར་པའི་བཀྲ་ཤིས་དུས་བཟང་གི་ཉིན་མོར། རི་ཁ་བ་ཅན་གྱི་གཞི་བྱེས་སྤུན་ཟླ་མིང་སྲིང་ཀུན་ལ་ལོ་གསར་ལེགས་སྐྱེས་ཀྱི་ཚུལ་དུ་༼  རྫོགས་ཆེན་དྲ་བ། ༽  དངོས་སུ་བསྟར་བའི་གྲ་སྒྲིག་གི་འཚམས་འདྲི་དང་།  ལོ་གསར་པའི་ནང་རྒྱལ་ཁམས་ཡོངས་ལ་སྲིད་འབྱོར་རིག་པའི་དགེ་མཚན་གྱི་སྣང་བ་དཀར་པོས་ཀུན་ནས་ཕྱུག་ཅིང་རྫོགས་ལྡན་སྐྱིད་པའི་དཔལ་ལ་རོལ་བའི་བཀྲ་ཤིས་སྨོན་ལམ་གྲངས་མེད་ཞུ་བ་དང་ཆབས་གཅིག  །ངེད་དྲ་བས་རིང་པོར་ཡིད་ལ་བརྣགས་པའི་བྱ་བཞག་དང་དེ་དག་གི་དཀའ་ངལ་སྣ་ཚོགས་ཀྱི་བརྒྱུད་རིམ་ལ་གདོང་ལེན་བྱས་ནས་གྲུབ་འབྲས་ཀྱི་རྟེན་འབྲེལ་ལེགས་པར་ཚོགས་པའི་དུས་བཟང་འདིར། རིས་མེད་མཁས་གྲུབ་སྐྱེས་ཆེན་རྣམས་ཀྱི་གསུང་རྩོམ་གལ་ཆེན་དང་།  ལོ་རྒྱུས་ཀྱི་ཡིག་ཚགས།  ལོ་རྒྱུས་ཀྱི་གདན་རབས་དང་མཁན་རབས་རིམ་བྱོན་སོགས་སྐྱེས་ཆེན་མི་སྣ་ངོ་སྤྲོད།  དགོན་སྡེའི་ཆོ་ག་ཕྱག་སྲོལ། འཕྲིན་གསར། འབོར་ལ་ཉེ་བའི་དམངས་ཁྲོད་ཀྱི་རིག་གནས་སྒྱུ་རྩལ།  ཕ་ཡུལ་པར་མཛོད། ཆབ་དཔལ་ཡོན་རིག་པའི་རྩོམ་རིག  །སྐྱེ་ཁམས་སྲུང་སྐྱོབ་དང་བདེ་ཐང་འཕྲོད་བསྟེན་གྱི་རྒྱུན་ཤེས་སོགས་ལེ་ཚན་དུ་བྱས་ཤིང་རྩོམ་རིག་གི་སྤུས་ཚད་དང་བདེ་འཇགས། ཡོང་ཁུངས། སྒྲིག་པ་པོའི་མིང་སོགས་གསལ་པོར་བཀོད་ཅིང་འགན་འཁྲི་དང་ལེན་ལ་འབད་བཞིན། དེང་གི་ཆར་འཛམ་གླིང་ས་ལྒང་འདིར་དངོས་ཁམས་ཚན་རིག་ལག་རྩལ་དང་བརྡ་འཕྲིན་དུས་རབས་ཀྱི་འཕོ་འགྱུར་གྱིས་འགྲོ་བ་མིའི་རིགས་ལ་འཕེལ་རྒྱས་ཀྱི་དགོས་འདོན་དང་སྟོང་ཆེན་དབྱིངས་སུ་སྦྲེལ་བའི་དྲ་བའི་འཕྲུལ་ལམ་དང་འགྲོགས་ཏེ། རིགས་དང་ཡུལ་ལ་ཞེན་པའི་ཀུན་སློང་གི་སྒོ་ནས་གངས་ཅན་ཆོས་དང་རིག་གནས་ཆེན་པོའི་འཛིན་སྐྱོང་དར་སྤེལ་ལ་མེ་ཏོག་ཆུང་ཡང་མཆོད་པའི་རྫས་བཞིན་དུ། འདིར་ཕྱར་བ་གྲུ་འདེགས་དང་ལྷག་བློ་མི་དམན་པས་བགྱི་བའི་ཁུལ་ལགས་ན། ངེད་དྲ་བའི་ཁོར་ཡུག་ནི་འཛམ་གླིང་ས་ཕྱོགས་གང་སར་བཞུགས་པའི་རིགས་གཅིག་མིང་སྲིང་ཚོས་ཁ་བའི་ཆོས་རིག་ལ་བཅངས་པའི་བརྩེ་སེམས་འོད་ཐག་སྦྲེལ་བའི་སྒྱུ་རྩལ་གྱི་དོ་རའམ་རྫོགས་ཆེན་ཀུན་བཟང་དགོངས་པའི་ཀློང་ཆེན་གྱི་དྲ་བ་ཞིག་ཡིན་ཕྱིན།   ཁྱེད་ཅག་གི་ཐུགས་བཞེད་འགྲུབ་པའི་སྨོན་འདུན་ཡོད་ལ་དེ་བཞིན་ལྷག་བསམ་དང་མཁྱེན་སྤྱན་ཡངས་པོས་དགོངས་འཆར་དང་རྒྱུན་གཟིགས་འཛུབ་སྟོན་གནང་བར་འཚལ།  རྩོམ་སྒྲིག་པས། 

རྫོགས་ཆེན་དྲ་བ།

www.dzogchendrapa.com


佐钦藏文网


ICP17021577


ཡིག་ཟམ། 189863111@QQ.com

སྐད་འཕྲིན། dorgye333999

བཤེར་རིས།  

QR.png