ནགས་ཀྱི་བསམ་གཏན་པ་བགྲེས་པོོ།
༼ ཁྱབ་བདག་རྫོགས་ཆེན་པར་ཕུལ་བ།༽
རི་གངས་དཀར་གྱི་དབུ་རྩེ་སྤྲིན་ལ་ཟུག།
སྤྲིན་དཀར་དམར་གྱི་ཡོལ་བ་ཕྱོགས་ཀུན་རྒྱུ།།
ནགས་ཤིང་ལོ་ཡི་མགོ་ལྕོག་ལྡེམ་པ་ན།།
རྩྭ་མེ་ཏོག་གི་གཡེར་ཁ་བག་རེ་བཀྲ།
ཆུ་དྭངས་གཙང་གི་རྦབ་རྒྱུན་དྲག་ཏུ་ཁོལ།།
བྱ་བྱེའུས་མཆོད་དབྱངས་ནགས་སུ་འདྲེས།།
རི་ནགས་ཁྲོད་དེ་བསམ་གཏན་ཁང་བཟང་པོ།།
ཆོས་བྱིན་དབྱངས་ཀྱི་སྙན་འཇེབས་འཁྱིལ་པ་ལ།།
ཐུགས་སྙིང་རྗེ་ཡི་ཆར་འབྲུ་བརླན་སེ་བ།།
ཆོས་མདོ་སྔགས་ཀྱི་བསྟན་པ་ཉི་ཤར་བ།།
བུ་སྐལ་ལྡན་གྱི་སྙིང་གི་མོས་གུས་ལ།།
གོང་མཁས་གྲུབ་ཀྱི་གདམས་པ་སྩོལ་མཁས་པ།།
ཕ་བླ་མ་དེ་དུས་གསུམ་སངས་རྒྱས་དངོས།།
ཆོས་གདམས་ངག་དེ་སྙིང་གི་བཅུད་དུ་རློམ།།
ལམ་ཟུང་འཇུག་གི་མདོ་སྔགས་གཉིས་འདྲེས་ཀྱིས།།
འཁོར་གདུལ་བྱ་ཡི་བློ་ཕུགས་དྲོད་ལམ་མེར།།
ཞེ་ཕུ་བཅད་ཀྱི་དད་པའི་སྤུ་གཡོ་བ།།
གནས་རི་ཁྲོད་ཀྱི་བྱུང་ཆུབ་ལྗོན་དབང་ལ།།
བཀའ་མདོ་རྒྱུད་ཀྱི་ཡལ་འདབ་ཟིམ་མེར་བཞད།།
འཁོར་སློབ་ཚོགས་ཀྱིས་མོས་གུས་གཤོག་འགྱུར་རྩེན།།
གནས་རི་ཁྲོད་ཀྱི་བསམ་གཏན་བགྲེས་པོ་ལགས།།
བུས་མཁྲེགས་ཆོད་ཀྱི་གདོན་གཤིས་ཤིག་པར་སྨོན།།
སེམས་མ་རིག་གི་སྨག་ཆེན་དྭངས་པར་སྨོན།།
༢༠༢༣.༦.༣༠
རྩོམ་སྒྲིག་པ། དོན་གྲུབ་རྡོ་རྗེ།