གྲུབ་དབང་རྫོགས་ཆེན་རིན་པོ་ཆེ་སྐུ་རབས་རིམ་བྱོན།

ཧྲྰིཿ སྔོན་ཚེ་དེ་བཞིན་གཤེགས་པ་གཙུག་གཏོར་ཅན།།

འཕགས་པའི་ཡུལ་དུ་གྲུབ་ཆེན་ཀུ་ཀུ་རི།།

ཁ་བ་ཅན་དུ་དཔལ་ལྡན་ཐང་པ་ཞེས།།

པདྨ་རིག་འཛིན་ཞབས་ལ་གསོལ་བ་འདེབས།།

མཆོག་དང་ཐུན་མོང་དངོས་གྲུབ་སྩལ་དུ་གསོལ།།

གཞི་གསུམ་རྩ་བ་བརྟན་པའི་བློ་གྲོས་བཟང་།།

རྙིང་བསྟན་མདོ་སྨད་སྤེལ་ལ་སྨོན་ལམ་གྱི།།

མཐུ་གྲུབ་པདྨའི་རིག་པ་འཛིན་པ་དང་།།

འགྱུར་མེད་ཐེག་མཆོག་ཞབས་ལ་གསོལ་བ་འདེབས།།

སྔ་འགྱུར་བསྟན་པའི་རྩ་བ་མདོ་སྒྱུ་སེམས།།

ཡང་ཕུར་སངས་རྒྱས་མཉམ་པར་སྦྱོར་ལ་སོགས།།

བཀའ་མའི་སྒྲུབ་ཆེན་ཕྲིན་ལས་སྲོལ་གཏོད་པ།།

ངེས་དོན་བསྟན་འཛིན་བཟང་པོར་གསོལ་བ་འདེབས།།

དུས་གསུམ་རྒྱལ་བའི་སྤྱི་གཟུགས་པདྨ་འབྱུང་།།

འཇའ་ལུས་རྡོ་རྗེའི་སྐུ་བརྙེས་བི་མ་ལ།།

དབྱེར་མེད་ཐུགས་རྗེ་གཅིག་བསྡུས་སྤྲུལ་བའི་སྐུ།།

མི་འགྱུར་ནམ་མཁའི་རྡོ་རྗེར་གསོལ་བ་འདེབས།།

སྐུ་རབས་ལྔ་པ་ཐུབ་བསྟན་ཆོས་ཀྱི་རྡོ་རྗེ།

དྲི་མེད་མཁྱེན་པའི་ལྷ་ལམ་ཡངས་པ་ནས།།

བརྩེ་བའི་སྙིང་རྗེ་འོད་སྟོང་འབར་བའི་གཟིས།།

འགྲོ་རྣམས་མུན་པའི་སྨག་རུམ་སེལ་མཛད་པ།།

ཐུབ་བསྟན་ཆོས་ཀྱི་རྡོ་རྗེར་གསོལ་བ་འདེབས།།

རྒྱལ་ཀུན་སྤྱི་གཟུགས་ཨོ་རྒྱན་རྡོ་རྗེ་འཆང་།།

འཕོ་ཆེན་སྐུ་བརྙེས་དྲི་མེད་བཤེས་གཉེན་ཞབས།།

དབྱེར་མེད་རིགས་བརྒྱའི་ཁྱབ་བདག་སྤྲུལ་བའི་སྐུ།།

འཇིགས་བྲལ་བྱང་ཆུབ་རྡོ་རྗེར་གསོལ་བ་འདེབས།།

སྔོན་ཚེ་བདེ་གཤེགས་རིན་ཆེན་གཙུག་ཕུད་འཛིན།།

སྙིགས་དུས་ངུར་སྨིག་འཆང་བ་ཤཀྱྰའི་སྲས།།

ཡིད་བཞིན་ནོར་མཆོག་གྲུབ་དབང་རྫོགས་ཆེན་པ།།

པདྨ་གར་གྱི་དབང་ཕྱུག་ལ་གསོལ་ལ་གསོལ་བ་འདེབས།།

ཐུབ་བསྟན་སྙིང་པོ་ལུང་རྟོགས་དམ་པའི་ཆོས།།

བཤད་དང་སྒྲུབ་པས་འཛིན་པའི་རྨད་བྱུང་ཁྲིར།།

ཞབས་པད་རྡོ་རྗེའི་ཁམས་སུ་རྟག་བརྟན་ནས།།

ཐུགས་བཞེད་ལྷུན་འགྲུབ་བསྟན་པ་མཐའ་རྒྱས་ཤོག།